7 lipienia ź Litvy ŭ Biełaruś vyjechała humanitarnaja dapamoha — vyrablenyja ŭ Litvie achoŭnyja srodki, nieabchodnyja dla baraćby z COVID-19, paviedamlaje MZS Litvy.
Fota: MZS Litvy
Adznačajecca, što humanitarnaja dapamoha pryznačana rašeńniem urada Litvy ad 3 červienia ŭ jakaści reakcyi na prośbu Biełarusi ab mižnarodnaj humanitarnaj dapamozie ŭ metach baraćby z karanavirusam.
Za 50 tysiač jeŭra ŭ ZAT «Bio Circle Balticum» byli nabytyja 16 800 litraŭ dezynfiekcyjnaj vadkaści, a ŭ ZAT «Interscalit» — 8 400 adnarazovych chałataŭ.
U samoj Litvie karanavirus praktyčna pieramožany. 17 červienia kraina admianiła karancin, uviedzieny 16 sakavika.
Za ŭvieś čas u Litvie zafiksavana 1844 vypadki karanavirusa (636 na 1 młn nasielnictva, u Biełarusi, pavodle aficyjnych źviestak, — 6 667 na 1 młn). Pamierli 79 čałaviek (27 na 1 młn, u Biełarusi — 45).
