Papularny biełaruski śpiavak Dźmitryj Kałdun byŭ špitalizavany z Covid-19, a ŭ jaho žonki Viktoryi Chamickaj taksama vyjaŭleny karanavirus.
U sacsietcy Kałdun padzialiŭsia kadrami, na jakich jon nosić balničny chałat i masku. Jon prahulvaŭsia na ŭčastku ŭ balnicy.
Viadoma, što ŭ śpievaka spačatku padniałasia tempieratura. Jon nie źviarnuŭ asablivaj uvahi na simptomy. Karotkaterminovaje damašniaje lačeńnie vynikaŭ nie dało. Razam z žonkaj Viktoryjaj artyst na ŭsialaki vypadak zdaŭ test na karanavirus. Užo ŭ balnicy ŭ pary byŭ vyjaŭleny Covid-19.
Kałdunu prapanavali nieadkładnuju špitalizacyju na fonie pakašlivańnia i padvyšanaj tempieratury, kab paźbiehnuć raspaŭsiudžvańnia infiekcyi ŭ lohkija i kab paźbiehnuć uskładnieńniaŭ u vyhladzie pnieŭmanii. A voś žonka artysta pakul što znachodzicca doma na karancinie, u jaje chvaroba prachodzić bieź simptomaŭ.
