U internet trapiła šakujučaje videa z haspadarki «Ahra-Słabada» ŭ vioscy Konkavičy Pietrykaŭskaha rajona. Na im — zatoplenaja fierma i miortvyja cialaty.
«Naša Niva» źviazałasia z kiraŭnikom upraŭleńnia sielskaj haspadarki i charčavańnia Pietrykaŭskaha rajvykankama Mikałajem Misiuram. Jon akurat byŭ na vyjeździe — u «Ahra-Słabadzie».
«Vaŭki zahryźli cialat. Za noč zadušyli, — patłumačyŭ Mikałaj Misiura. — Ich užo adstralali palaŭničyja, śpiecyjalnyja słužby ŭsypili ŭčora jašče dvuch dzikich sabak».
Vializnyja łužy brudu, pa słovach kiraŭnika ŭpraŭleńnia, vyklikanyja mocnaj zalevaj, jakaja prajšła ŭ noč z 3 na 4 lipienia.
Zrešty, jak raskazali va ŭpraŭleńni, pretenzii da «Ahra-Słabady» byli i raniej. Prablemy tam uźnikli paśla taho, jak zvolniŭsia kiraŭnik. Na pačatku hoda haspadarku navat chacieli abjadnać ź inšaj — «Ahra-Pcič». Užo byli padrychtavanyja ŭsie dakumienty, ale supracoŭniki fiermy paabiacali, što zmohuć adnavić jaje stan i sami. Abjadnańnie adkłali.
«U hetaj haspadarcy prablemy praciahvajucca ŭžo hoda paŭtara-dva, i ŭpraŭleńnie sielskaj haspadarki ŭ milicyju navat padavała i ŭ prakuraturu, kab znajšli vinavatych asob — tam kala 200 hałoŭ niedastača była, kali pieraličvali skacinu. Im davali čas vypravicca», — apisali situacyju va ŭpraŭleńni.
