Tairo Lutter, Postimees
U paniadziełak urad Estonii adkryŭ miažu dla žycharoŭ 14 krain pa-za miežami ES. Biez abmiežavańniaŭ u Estoniju možna ŭjazdžać z tych krain, dzie za apošnija dva tydni kolkaść zaražanych na 100 000 čałaviek skłała mienš za 16, piša Postimees.
Dla rabotnikaŭ abo studentaŭ, jakija pryjazdžajuć z krain z kolkaściu zaražanych, vyšejšaj za 16 na 100 000 čałaviek, patrebnaja 14-dzionnaja izalacyja.
Takim čynam z paniadziełka ŭ Estoniju mohuć pryjechać žychary Ałžyra, Aŭstralii, Hruzii, Japonii, Kanady, Maroka, Čarnahoryi, Paŭdniovaj Karei, Ruandy, Sierbii, Tajłanda, Tunisa, Uruhvaja i Novaj Ziełandyi.
Śpis trecich krain, ź jakich ujezd u Estoniju dazvoleny, budzie abnaŭlacca praz kožnyja dva tydni na staroncy Ministerstva zamiežnych spraŭ.
U Biełarusi kolkaść vypadkaŭ na 100 tysiač za apošnija dva tydni składaje 50, pavodle aficyjnaj statystyki.