Telekanał «Rasija 1» źniaŭ siužet pra sustreču Pucina i Łukašenki ŭ Rževie. «RTR-Biełaruś» pakazaŭ siužet, ale prybraŭ ironiju na adras biełaruskaj delehacyi i kadry znosin prezidentaŭ, piša mediaiq.by.
Pucin i Łukašenka adkryli Ržeŭski Miemaryjał savieckamu sałdatu 30 červienia. Pra heta raspaviali ŭ prahramie Uładzimira Sałaŭjova «Maskva. Kreml. Pucin» u niadzielu, 5 lipienia. Rasijski siužet pakazaŭ telekanał «RTR-Biełaruś». Ale vyrazaŭ kadry, jakija «kažuć pra mnohaje» ŭ kantekście biełaruska-rasijskich adnosin, i zaŭvahi nakont epidemijałahičnaha pratakołu biełaruskaha boku.
Što prybrali
Nazirańnie, što pamočniki Łukašenki nosiać maski, a heta «nie moža nie zacikavić». I što ŭ słužbie pratakołu prezidenta Biełarusi niamała žančyn.
Łukašenka vykonvaŭ supraćepidemičnyja miery i karystaŭsia «śpiecyjalnaj asadkaj». Pry hetym paprasiŭ pamočnika niešta prynieści z karteža. Karespandent «Rasija 1» vykazaŭ mierkavańnie, što biełaruski prezident padrychtavaŭ padarunak dla Pucina.
Prezidenty abnialisia i pacisnuli ruki. Paśla sustrečy Pucin nie sychodziŭ, a machaŭ uśled aŭtamabilu Łukašenki.
Fota na hałoŭnaj staroncy: skrynšot «Rasija 1»
