Razam z Bukmiekierskaj kantoraj Leon my praciahvajem aśviatlać čempijanat Biełarusi pa futbole.
Darečy, pra virus. Zhodna z infarmacyjaj spartyŭnych miedyja, «karonu» padchapili niekalki futbalistaŭ i supracoŭnikaŭ bresckaha «Dynama». Kłub nibyta sprabavaŭ pieranieści hulniu sa «Smalavičami», ale fiederacyja futboła admoviła.
Paśla hulni z tymi ža «Smalavičami» biez hałoŭnaha treniera zastaŭsia «Słuck». Usiaho dva bały ŭ apošnich vaśmi matčach, prablemy ź finansami — usio heta vyliłasia ŭ rašeńnie Vitala Paŭłava, ciapier kamandu budzie treniravać jahony pamočnik Alaksandr Končyc.
Jašče ŭ krasaviku Vitala Paŭłava pryznavali najlepšym trenieram miesiaca, a ŭ kancy červienia jon syšoŭ u adstaŭku. Fota: FK «Słuck»
Minuły tur akazaŭsia bahatym na niespadziavanki. Spačatku «Enierhietyk-BDU», hulajučy ŭdziesiacioch z 27-j chviliny, razhramiŭ «Słaviju» ź likam 5:0, potym «Minsk» zdabyŭ ničyju ŭ hulni z «Šachcioram», a «Nioman» u zachodnim derbi pieramoh bresckaje «Dynama» i zaskočyŭ na treciaje miesca.
Minskaje «Dynama» zmahło ŭpieršyniu za 5 hadoŭ abhulać BATE — Kučuk ź pieršaha raza zrabiŭ toje, što nie atrymałasia ŭ Hurenki za šmat sprobaŭ. Miarkujem, za heta trenieru i hulcam darujuć niazhrabnyja matčy, jakich u pieršym kruzie było niamała.
19-hadovy Danił Šapko pravioŭ druhi matč «na nol». Fota: FK «Dynama-Minsk»
Voś vyniki matčaŭ:
- «Enierhietyk-BDU» — «Słavija» 5:0 (4, 58, Jachšybojeŭ; 47, Tve; 70, 90, Soŭpiel)
- «Smalavičy» — «Słuck» 2:1 (19, 57, Džyhiera — 16, Siardziuk)
- «Minsk» — «Šachcior» 1:1 (66, Ar. Vasiljeŭ — 56, Dyjasamidze)
- «Nioman» — «Dynama-Brest» 1:0 (18, Zabielin)
- BATE — «Dynama-Minsk» 0:2 (64, Šykaŭka; 66, Kazłoŭ)
- «Tarpieda-BiełAZ» — «Viciebsk» 1:0 (69, Habryel Ramas)
- «Ruch» — «Biełšyna» 3:0 (12, Dzijała; 43, Araškievič; 45, Vasiljeŭ)
- «Haradzieja» — «Isłač» 0:2 (3, Makaś; 54, Jansane)
TURNIRNAJA TABLICA
A ciapier pierachodzim da matčaŭ 16 tura.
«Słavija» — «Słuck»
- 03.07, 17:00. Mazyr, stadyjon «Junactva».
- Kaeficyjenty: «Słavija» (pieramoha) — 2.34; ničyja — 3.40; «Słuck» (pieramoha) — 3.36.
Cikava budzie panazirać, jak pamianiajecca «Słuck» pad kiraŭnictvam novaha treniera, ale, miarkujem, roźnicy asablivaj my nie pabačym. Tym bolš z prablemami finansavymi zastajucca prablemy kadravyja: jość infarmacyja, što łaŭka zapasnych słuččakoŭ u Mazyry amal całkam budzie składacca z dubloraŭ.
«Słavii» paśla haniebnych 0:5 nielha nie skarystacca takim padarunkam.
Prahnoz «NN»: pieramoha «Słavii».
«Smalavičy» — «Dynama-Brest»
U apošnim matčy pieršaha kruha «Smalavičy» na svaim poli skaracili adstavańnie da miažy zony vyletu da čatyroch bałaŭ.
Fota: FK «Smalavičy»
Pra prablemy bieraściejcaŭ my napisali vyšej. Siarod tych, chto chvareje, lidary kamandy: Alaksandr Najok, Dzianis Łapcieŭ, Siarhiej Ihnatovič i Raman Juzapčuk.
Uviesnu «Smalavičy» zmahli dać boj Brestu i ŭvieści adtul ničyju, ci atrymajecca začapicca na hety raz?
Prahnoz «NN»: ničyja.
BATE — «Enierhietyk-BDU»
- 04.07, 16:00. «Barysaŭ-Arena».
- Kaeficyjenty: BATE (pieramoha) — 1.36; ničyja — 5.10; «Enierhietyk-BDU» (pieramoha) — 11.00.
Pamiatajecie samy pieršy matč hetaha čempijanatu i fiejeryju Jachšybojeva? Tady «Enierhietyk» mocna ščoŭknuŭ BATE pa nosie, i, mahčyma, mienavita taja paraza mocna zmatyvavała barysaŭcaŭ.
Vidavočna, u subotu padnačalenyja Alšeŭskaha pasprabujuć zdabyć revanš, a paśla parazy ŭ biełaruskim kłasika BATE budzie asabliva złoje.
Prahnoz «NN»: pieramoha BATE.
«Haradzieja» — «Viciebsk»
- 04.07, 18:00. Stadyjon «Haradzieja».
- Kaeficyjenty: «Haradzieja» (pieramoha) — 3.95; ničyja — 3.35; «Viciebsk» (pieramoha) — 2.14.
U Žodzinie pierarvałasia 7-matčavaja sieryja «Viciebska» biez paraz. Ciapier viciablanam treba ŭsio pačynać nanova.
Z paŭnočnaj kamandaj trenirujecca Arciom Sałaviej, jaki raniej užo hulaŭ za «Viciebsk». Imavierna, jon stanie pieršym padpisańniem kamandy ŭ letniaje tranśfiernaje akno.
U «cukrovych» taksama varta čakać kadravych źmienaŭ, ale pakul navinaŭ nie było.
Prahnoz «NN»: pieramoha «Viciebska».
«Nioman» — «Isłač»
- 04.07, 20:00. Hrodna. CSK «Nioman».
- Kaeficyjenty: «Nioman» (pieramoha) — 2.45; ničyja — 3.35; «Isłač» (pieramoha) — 3.20.
Vielmi cikavaja afiša. «Nioman» praciahvaje źbirać pieramohi, a «Isłač» narešcie pryjšła ŭ prytomnaść — čatyry matčy kamanda Žukoŭskaha nie prajhraje.
Anansavany pierachod Jansane ŭ «Šachcior» pakul nie adbyŭsia. Sam ža afrykaniec adznačyŭsia hołam u bramu «Haradziei». Ci zhulaje jon u Hrodnie, pakul nieviadoma.
Apošni raz «Nioman» vyjhravaŭ u «Isłačy» amal dva hady tamu — tady ŭ Hrodnie byŭ zafiksavany lik 6:0. Ci atrymajecca ŭ haradziencaŭ znoŭ pieramahčy?
Prahnoz «NN»: totał, mienšy za 2.5.
«Minsk» — «Biełšyna»
- 05.07, 16:00. Minsk. Stadyjon «Traktar».
- Kaeficyjenty: «Minsk» (pieramoha) — 1.90; ničyja — 3.48; «Biełšyna» (pieramoha) — 4.85.
U «Minska» aktyŭnaja faza abnaŭleńniaŭ. U kłubie źmianiajecca mieniedžmient i pres-słužba, kamanda anansavała pierachod da novaj fiłasofii «kamandy vialikaha horada», abnaviła formu, sajt i sacsietki.
Fota: FK «Minsk»
Składana skazać, ci daść heta niejki plon, pakul kamanda hulaje na ŭbohim «Traktary» z chranična brudnymi siduškami. Ale za sprobami budziem sačyć.
Vyšej my raspaviali pra adstaŭku ŭ «Słucku», ale nie zhadali, što i ŭ «Biełšyny» budzie novy trenier — kłub kančatkova pakinuŭ Eduarda Hradabojeva biez pracy (viasnoj treniera adpraŭlali ŭ adpačynak).
Prahnoz «NN»: «Minsk» vyjhraje.
«Tarpieda-BiełAZ» — «Šachcior»
- 05.07, 18:00. Žodzina. Stadyjon «Tarpieda».
- Kaeficyjenty: «Tarpieda» (pieramoha) — 6.05; ničyja — 4.00; «Šachcior» (pieramoha) — 1.65.
Matč tura projdzie ŭ Žodzinie, dzie sustrenucca susiedzi pa turnirnaj tablicy. «Tarpieda» narešcie zmahło vyjhrać, a voś «Šachcior» try tury pieramahčy nie moža — u kamandy Vierniduba sieryja z troch ničyich. Ale, dziakujučy minskamu «Dynama», adryŭ BATE nie pavialičyŭsia, a navat naadvarot.
U pieršym tury žodzincy zmahli pieramahčy ŭ Salihorsku, ci atrymajecca paŭtaryć taki ž truk i doma?
Prahnoz «NN»: totał, mienšy za 2.5.
«Ruch» — «Dynama-Minsk»
- 05.07, 20:00. DASK «Brescki».
- Kaeficyjenty: «Ruch» (pieramoha) — 4.25; ničyja — 3.50; «Dynama» (pieramoha) — 2.00.
«Dynama» paśla pieramohi ŭ kłasika adpraŭlajecca ŭ hości da kamandy, jakaja abhulała ich u pieršym tury. «Ruch» jaskravaj pieramohaj nad «Biełšynaj» skončyŭ pieršy kruh i ŭ niebłahim nastroi rychtujecca da pryjezdu mocnaha supiernika.
Na hetym tydni dva bresckija kłuby praviarnuli abmien — z «Rucha» ŭ «Dynama» viarnuŭsia Pavieł Siadźko, a ŭ zvarotnym kirunku byŭ adpraŭleny Jaŭhien Šaŭčenka, u jakoha nie pajšła hulnia ŭ składzie čempijonaŭ. Ci dapamoža hulec zbornaj svajoj novaj kamandzie?
Prahnoz «NN»: «Dynama» vyjhraje.
U suviazi z raspaŭsiudam karanavirusa my nie raim vam naviedvać ludnyja mierapryjemstvy, u tym liku futbolnyja matčy. Kali ŭsio ž vyrašycie pajści na stadyjon, prytrymlivajciesia mieraŭ zaściarohi.
Dzialiciesia prahnozami ŭ kamientarach. Kali ličycie siabie ekśpiertam u biełaruskim futbole, zrabicie staŭku ŭ Bukmiekierskaj kantory Leon!
