Alaksandr Łukašenka padpisaŭ ukaz №247 «Ab budaŭnictvie žyłych pamiaškańniaŭ», paviedamlaje BiełTA.
Ciapier prybytak zabudoŭščykaŭ pry budaŭnictvie žylla z pryciahnieńniem srodkaŭ hramadzian nie moža pieravyšać 5% ad jaho kaštarysnaha koštu ŭ biahučych cenach.
Pieravažnaje prava budavać šmatkvaternyja žyłyja damy dajecca budaŭničym arhanizacyjam, jakija majuć ułasnuju techničnuju bazu i śpiecyjalistaŭ, a taksama kamunalnym unitarnym pradpryjemstvam pa kapitalnym budaŭnictvie.
Va ŭkazie praduhledžana abaviazkovaje praviadzieńnie zabudoŭščykami za košt ułasnych srodkaŭ aŭdytu na praciahu troch miesiacaŭ paśla pryjomki žyłoha doma ŭ ekspłuatacyju. Zališnie vypłačanyja srodki (u vypadku ich vyjaŭleńnia pa vynikach aŭdytu) viarnuć hramadzianam nie paźniej za miesiac z dnia atrymańnia aŭdytarskaha zaklučeńnia.