Učora ŭ Babrujsku pjany biaspraŭnik na aŭtamabili Subaru Forester prataraniŭ aŭtamabil Departamienta achovy, paviedamlaje MUS.
Aŭto zaŭvažyli supracoŭniki miascovaha adździeła achovy, kali jano jechała pa tratuary: na patrabavańni spynicca kiroŭca nie adreahavaŭ. U vyniku pačałasia pahonia pa horadzie na chutkaści da 120 km/h.
U vyniku vyrašyli pierakryvać darohu milicejskim Geely. Ale parušalnika heta nie spyniła — i jon prataraniŭ aŭtamabil.
U 39-hadovaha kiroŭcy ŭ kryvi było 2 pramile ałkaholu. Akramia taho, u jaho nie było paśviedčańnia kiroŭcy.
U vyniku sutyknieńnia nichto nie paciarpieŭ. Na kiroŭcu skłali administracyjnyja pratakoły.
0
0
0
0
0
0