Fota Nadziei Bužan
Pra heta patencyjnaja kandydatka ŭ prezidenty zajaviła ŭ intervju Radyjo Svaboda. Pavodle CVK, u jaje 146 588 podpisaŭ. Raniej Kanapackaja kazała, što sabrała 110 tysiač. Siońnia jana zajaviła, što heta biez uliku 35 tysiač, sabranych raniej u rehijonach, a 110 tysiač padavała asabista.
«Ja źbirała podpisy sama, — kaža jana. — Heta ciažkaja praca, ale sabrać podpisy mahčyma. Ja nie pieršy hod u palitycy, ja viedaju, što na pikietach podpisy nie źbirajuć. Pikiety dajuć pryhožuju karcinku, ale asnoŭnaja kolkaść podpisaŭ źbirajecca praz abchod kvater i pradpryjemstvaŭ. Heta byli i pryvatnyja pradpryjemstvy, jakija dazvolili mnie źbirać podpisy, i bujnyja pramysłovyja pradpryjemstvy.
Ja ŭdziačnaja BiełAZu, jaki dazvoliŭ źbirać podpisy ŭ ich. Ja zmahła sabrać tam bolš za 8 tysiač podpisaŭ…».
BiełAZ (kala 11 tysiač rabotnikaŭ) — pradpryjemstva, raźmieščanaje ŭ Minskaj vobłaści (Žodzina). Zhodna z CVK, u Minskaj vobłaści ŭ Kanapackaj usiaho 811 (h.zn. mieniej za 1000) podpisaŭ.
Pryčym za miežami Minska ŭ Kanapackaj «sabrana» ŭsiaho 20 300 podpisaŭ.
