Ministerstva ŭnutranych spraŭ pravodzić pravierku nakont «supraćpraŭnaj dziejnaści» Valeryja Capkały. Zajavu napisaŭ turecki biznesmien Siedat Ihdziedžy, jaki kaliści ščylna supracoŭničaŭ z Capkałam. Mienavita Ihdziedžy zajmaŭsia budaŭnictvam katedža Capkały.
A kali Capkała pajšoŭ u prezidenty, vyvaliŭ na jaho «kampramat».
«NN» zadała Siedatu Ihdziedžy niekalki pytańniaŭ.
Čytajcie taksama. Kaniuk — Karajevu: Pravieryć supraćpraŭnuju dziejnaść Capkały
«NN»: Čamu mienavita ciapier vy vyrašyli ŭźniać hetuju staronku vašych adnosin z Capkałam?
Siedat Ihdziedžy: Adnosiny z Valeryjem Capkała — heta maja asabistaja sprava, jakaja nie maje nijakaha dačynieńnia da palityki. Prosta ja chaču viarnuć svaje hrošy. Usie maje słovy, što jość u zajavie, paćvierdžany dakumientalna.
Zamiest majoj padziaki ŭ pamiery 1 miljona dalaraŭ Capkała nie zapłaciŭ mnie ni kapiejki za budaŭnictva doma ŭ Minsku, nie daŭ abiacanych prajektaŭ na 700 miljonaŭ dalaraŭ. Tolki padmanvaŭ mianie. Praź jaho ja i maja hrupa kampanij zhubili kala 15 miljonaŭ dalaraŭ.
Ja budavaŭ dom na 418 mietraŭ, ale nie atrymaŭ za heta ni kapiejki.
U minułym hodzie ja sudziŭsia z Capkałam i jahonymi ludźmi. Ja čytaju, što ŭžo pišuć: Łukašenka zamoviŭ heta ŭ Siedata. Ja lublu Łukašenku, ale ja nie znajomy ź im asabista, čamu Łukašenka budzie ŭ mianie niešta zamaŭlać?
«NN»: A moža, KDB?
SI: Nie zvanili z KDB. Nichto nie zvaniŭ.
Heta vyklučna ekanamičnaja sprava. U žniŭni 2019 hoda ja ź im sudziŭsia.
«NN»: Čym skončyŭsia sud?
SI: Kali b vy sudzilisia ŭ Turcyi sa mnoj, ja skažu vam na 100%, što vy stracili. Jakija b šancy ŭ vas byli, kali b my z vami sudzilisia ŭ Stambule? Nijakich. Tak i ŭ mianie. A heta nie aby-chto: Park vysokich technałohij, pamočnik prezidenta, były pasoł u ZŠA, fotka z Klintanam jość… A chto taki Siedat Ihdziedžy? Nu 100 miljonaŭ ukłaŭ u biełaruskuju ekanomiku, ale ž heta nie Valeryj Capkała.
Pačytajcie tut.by, što skazaŭ pra mianie Capkała: «niezrazumieły turak». Prabačcie, ja skažu pra jaho «šakał». Hety «šakał» kazaŭ pra mianie «niezrazumieły turak».
Maja asmanskaja siamja maje 850-hadovuju historyju. Siońnia ja hałava hetaj siamji! Z 2013 hoda ja hramadzianin Biełarusi. Chto taki ja — zrazumieła, chto taki Valeryj Capkała — nie.
Ja nie chacieŭ, kab stała viadoma, što Capkała atrymlivaŭ z bardela dziaŭčynak, ja nie chacieŭ hetaha. Ale jahonyja ludzi šantažavali mianie.
«NN»: Jak?
SI: Praź instahram šantažavali. Pisali, što kali ja choć raz skažu niešta pra Valeryja Capkału kiepskaje, to i mnie, i dzieciam budzie kiepska. Ja pajšoŭ u milicyju.
«NN»: Vy chočacie viarnuć sabie hety dom?
SI: Kaniečnie. Ja nie zhodny na hrošy, ja chaču dom.
«NN»: Padziaka ŭ pamiery 1 miljona dalaraŭ Capkału — heta chabar?
SI: Heta ŭsio chabar. Tak, chabar.
«NN»: Vy naŭprost kažacie, što davali chabar?
SI: Tak.
«NN»: I nie baiciesia za svoj imidž, rename?
SI: Čamu mnie bajacca? Ja daŭ zajavu aficyjnuju. Takaja była realnaść, jon mianie padmanuŭ. U mianie šmat śviedkaŭ. Mnie niama čaho bajacca, ja mužčyna.
«NN»: Vy budziecie zadavolenyja, kali Capkału pasadziać u turmu?
SI: Turma-šurma, mianie heta nie cikaviać. Ja chaču, kab jon syšoŭ z prezidenckaj kampanii i źjechaŭ z krainy. Mnie hetaha chopić. Kali heta zdarycca, to ja zarežu 10 baranaŭ i razdam ludziam, budzie śviata.
«NN»: Vy sapraŭdy zamaŭlali prastytutak dla Capkały?
SI: Maich ludziej jon pra heta prasiŭ, maje ludzi zrabili. Usie dakumienty jość, ja nikoha nie padmanvaju. Ja nie chacieŭ pra heta raskazvać, kab mnie nie pahražali. Prastytutki — heta taksama chabar. Kali jon budzie dalej pahražać majoj siamji, to my i kasiety pakažam.
«NN»: U vas jość kasiety?
SI: U mianie jość usie dakumienty, što paćviardžajuć kožnaje majo słova.