Fota Nadziei Bužan
Valeryj Capkała u intervju «Lentie.ru» nazvaŭ hałoŭnuju pretenziju da dziejnaha kiraŭnika dziaržavy Alaksandra Łukašenki.
«Čałaviek 10 hadoŭ adbyŭ na pasadzie prezidenta i pavinien syści. Kali hetaha nie adbyvajecca, faktyčna pieraradžajecca sam čałaviek. Jon pačynaje branzavieć, ličačy, što staŭ lehiendaj i ŭsienarodnym ulubioncam», — skazaŭ Capkała, dadaŭšy, što Biełaruś pavinna imknucca stać pravavoj dziaržavaj.
Na jaho dumku, stabilnaść i pradkazalnaść u krainie praduhledžvaje narmalnuju demakratyčnuju pieradaču ŭłady ad adnaho prezidenta da inšaha.
«Kali sistema zatočanaja pad adnaho čałavieka, jaki kaža, što nie addaść uładu ni pry jakich abstavinach, to ŭ hetym jakraz i zakładzienaja mina zapavolenaha dziejańnia», — adznačyŭ Capkała
i pryvioŭ u prykład krainy Centralnaj i Uschodniaj Jeŭropy, u jakich «całkam spakojna ažyćciaŭlajecca tranzit».
Palityk nahadaŭ, što ŭ Kanstytucyi Biełarusi nieabchodna zamacavać žorstkaje abmiežavańnie znachodžańnia va ŭładzie kiraŭnika dziaržavy. «Prezident pavinien adčuvać, što ŭ jaho jość niejki abmiežavany resurs času, i tady jon pavinien całkam vykłaścisia, kab prynieści maksimalnuju karyść svajoj krainie, svajmu narodu», — reziumavaŭ jon.
