Fota Nadziei Bužan
Sud Centralnaha rajona Minska razhledzieŭ i adchiliŭ skarhu Viktara Babaryki na zaklučeńnie pad vartu. Samoha Babaryku ź SIZA KDB u sud nie dastaŭlali, raspavioŭ TUT.BY advakat pretendenta Dźmitryj Łajeŭski, jaki prysutničaŭ na pasiadžeńni.
Pakolki pasiadžeńnie prachodziła ŭ zakrytym režymie i z advakata ŭziataja padpiska ab nievydavańni źviestak, abstaviny hetaha pasiadžeńnia i matyvy sudovaj pastanovy advakat paviedamić admoviŭsia. Pry hetym abaronca adznačyŭ, što z boku abarony pradstaŭleny značny abjom arhumientaŭ u padtrymku skarhi.
— Pastanovu suda pa skarzie Viktara Babaryki bok abarony maje namier abskardzić u Minskim haradskim sudzie, — skazaŭ Łajeŭski.
Akramia taho, advakat Łajeŭski źviarnuŭ uvahu na toje, što im na minułym tydni praz KDB taksama była padadzienaja skarha na mieru strymańnia, adnak pa stanie na dadzieny momant hetaja skarha ŭ sud nie pastupiła, tamu, vierahodna, budzie razhladacca asobna.
