Siońnia ŭ niekatorych rajonach krainy ŭ Babaryki i Capkały nie pryznali podpisy, jakija jany padali dla svajoj rehistracyi ŭ jakaści kandydataŭ na prezidenckija vybary.
Fota Nadziei Bužan.
U Frunzienskim rajonie Minska zrezali 47 tysiač podpisaŭ u padtrymku Babaryki i 17 tysiač podpisaŭ Capkały. Podpisy ŭ padtrymku vyłučeńnia Alaksandra Łukašenki, Hanny Kanapackaj, Andreja Dźmitryjeva i Śviatłany Cichanoŭskaj tam pryznanyja sapraŭdnymi.
U Savieckim rajonie Homiela ŭ Babaryki i Capkały nie pryznali podpisy. Zatoje ŭ Łukašenki, Kanapackaj i Čeračnia — usio biezdakorna. Pa hetaj pryčynie pryniata rašeńnie nie zaličvać eks-kiraŭniku Biełhazprambanka ŭsie zdadzienyja na pravierku 4870 podpisaŭ. U eks-kiraŭnika Parku vysokich technałohij Valeryja Capkały nie pajšli ŭ zalik usie 1956 podpisaŭ.
U Kastryčnickim rajonie Viciebska pryznali niesapraŭdnymi podpisy za vyłučeńnie Capkały. Kamisija pryznała niesapraŭdnym 1221 podpis za Valeryja Capkału, bo «pry praviercy było vyjaŭlena 15,45% niesapraŭdnych podpisaŭ».
U Centralnym rajonie Homiela nie pryniali podpisy za vyłučeńnie Babaryki kandydatam u prezidenty, paviedamlajuć Mocnyja naviny. Za Viktara Babaryku žychary Centralnaha rajona pastavili 4177 podpisaŭ — ich nie zaličyli.
U Śvietłahorskim rajonie vybarčaja kamisija pryznała niesapraŭdnymi podpisy za Capkału, paviedamlaje «Homielskaja Viasna». Vybarčaja kamisija nie pryniała 1577 podpisaŭ.
