Fota Siarhieja Zinina
Kiraŭnik Śbierbanka Hierman Href u intervju TASS vykazaŭ zdahadku, što da kanca hoda kurs rubla moža vyraści prykładna na 10%. Pry hetym jon abmoviŭsia, što va ŭmovach pandemii karanavirusa rabić prahnozy davoli składana.
«Naša nacyjanalnaja valuta ciesna źviazanaja z canoj na naftu, a jaje ciažka sprahnazavać. Ja daviaraju adnamu sa starych i daśviedčanych analitykaŭ, Hienry Hroŭbu. Jon nazyvaje na kaniec hoda $60-62 za baral. Značyć, rubiel budzie ŭ miežach plus-minus 60 da dalara», — miarkuje Href.
Kiraŭnik Śbierbanka dadaŭ, što ŭ vypadku druhoj chvali karanavirusa «rubiel, mahčyma, stanie vahacca». Apošni miesiac kurs dalara vahajecca ŭ dyjapazonie 68,20-70,20 rasijskaha rubla. Baral Brent pa stanie na ranicu 29 červienia tarhujecca ŭ rajonie $40,70.
