Abstanoŭku ŭ Biełarusi sprabujuć raschistać, tamu ŭłada prymaje papieradžalnyja miery, skazaŭ Łukašenka ŭ Salihorsku. Frahmient jaho vystupu pakazali ŭ efiry BT-1.
«Ludzi nie razumiejuć, što idzie spakojnaje raschistvańnie abstanoŭki. Kali b my tady niekatorych nie praćvierazili, siońnia b užo bušavaŭ i Salihorsk», — adznačyŭ Alaksandr Łukašenka.
«Ich ideałohija — viartańnie da staroj Kanstytucyi 1994 hoda. Dziŭna: pieramieny, reformy, i raptam 1994 hod. Moža być, jość u hetaj zale toj, chto pamiataje, z čaho my z vami pačynali? Kali ŭ mianie valalisia pad trybunaj u parłamiencie deputaty, kali ja vychodziŭ vystupać. Kali išła bojka (nichto ničoha nie chacieŭ rabić, nichto ničym nie zajmaŭsia) pamiž novaj uładaj, jakaja zaradžałasia, i starym parłamientam. Usio na narod pierakinułasia: strajki, tałony, — nahadaŭ kiraŭnik dziaržavy. — Vy chočacie tudy viarnucca? Viartajciesia — bieź mianie. Ale nie dazvalajcie viartacca da taho, ad čaho my z vami syšli».
«Vybary buduć vielmi cikavyja, a paśla vybaraŭ budzie jašče cikaviej. Heta ja abiacaju», — padsumavaŭ Łukašenka.
