president.gov.by
Alaksandr Łukašenka raspavioŭ, što daviedaŭsia pra prablemy z vadoj u Minsku jašče ŭ Maskvie. I ŭvieś čas trymaŭ situacyju pad kantrolem. Siužet byŭ pakazany ŭ efiry telekanała «Biełaruś 1», piša Tut.by.
— Prylacieŭ, a da abieda [ŭ sieradu] ŭžo čuju, što z vadoj u Minsku niešta nie tak. Nu, dumaju, dakładna, jak dziaciej, nielha na chvilinu pakinuć, zapałki chavać ad ich užo treba, kab nie spalili krainu. Nu, dumaju, naziraju… Užo pres-sakratar pieradała ŭ ŚMI, što prezident trymaje pad kantrolem. Viedaju, što zavarušyŭsia Turčyn, Sivak tam, — raspavioŭ Łukašenka, razmaŭlajučy ŭ Salihorsku z aktyvam Minskaj vobłaści.
Pa słovach Łukašenki, nadzvyčajnaje zdareńnie adbyłosia z-za taho, što padčas ramontu zastajałaja vada patrapiła ŭ truby, kali ŭbačyli, što vada nie vielmi dobraja, stali čyścić reahientami i pieradaziravali.
— Jana pačała śmiardzieć, hetaja vada, i ŭ kvatery trapiła. I na hetym etapie mnie dałažyli. I ja kažu: «Budziecie pić ciapier sami, usie čynoŭniki minskija, budziecie hetuju vadu pić i varyć sabie ježu». Adkazvajuć: «Alaksandr Ryhoravič, da ranicy ŭsio rasčyścim». Sapraŭdy, ranicaj pierad adlotam da vas nabiraju Sivaka: «Alaksandr Ryhoravič, adzin dziciačy sad, adna balnica zastałasia. Zamyvajem, začyščajem». Sanstancyja, pytajusia, analiz ŭziała? Uziała! Vodakanał? U ich svaja łabaratoryja. Voś, uziali, dałažyli ranicaj, likvidavali.
Łukašenka rastłumačyŭ dla čaho heta raspavioŭ:
— Dyktatura — heta drenna. A kali za noč vyrašyli prablemu najciažejšuju: dyktatura — heta dobra. Pry čym tut dyktatura? Pavinna być adkaznaść.
Łukašenka dadaŭ, što ŭ krainy niama naftadalaraŭ, hrašyma prablemu nie zalješ, tamu pavinny być dyscyplina i adkaznaść.
