Heta byŭ Siarhiej Kavalenka — aktyvist Kansiervatyŭna-chryścijanskaj partyi BNF.
Budaŭnik ź Viciebska, Kavalenka ŭ svoj čas byŭ palitviaźniem — jaho asudzili za vyviešvańnie bieł-čyrvona-biełaha ściaha na hałoŭnaj jalinie Viciebska. Praź niekatory čas paśla vyzvaleńnia jon pierajechaŭ u Polšču.
Pry kancy manifiestacyi salidarnaści jon abliŭ rasijski ściah haručaj vadkaściu i padpaliŭ. Ludzi pobač jaho asudzili za heta, a palicyja zatrymała, raskazali «Našaj Nivie» prysutnyja.
Usiaho na manifiestacyju sabrałasia bolš za 500 čałaviek.
Šeście raspačałosia a 12:00 ad pomnika Tadevuša Kaściuški, potym skiravałasia na vulicu Maršałkoŭskuju, dzie ŭdzielniki stali ŭ žyvy łancuh, piša Biełsat.
Na mitynhu ŭ Varšavie vystupiła śpiecdakładčyca AAN ab pravach čałavieka ŭ Biełarusi Anais Maren. Jana zaklikała biełaruskija ŭłady spynić pieraśled i palityčny cisk na hramadzianskuju supolnaść.
«Paśla trahiedyi ŭ 2010 hodzie my bačym, što ŭłady viartajucca da represijaŭ jašče da vybaraŭ. My zaklikali spynić pieraśled i zabiaśpiečyć svabodnyja vybary, ale nas nie pasłuchali», — skazała Anais Maren.
Mnohija pryjšli z samarobnymi płakatami «Nas 97%» i «Psicho3%». Niekatoryja pryjšli z partretami Viktara Babaryki i simvolikaj jaho kampanii, z partretami inšych palitviaźniaŭ.
Ludzi śpiavali pieśniu «Razbury turmy mury».
Adnačasova šmatludnyja, z udziełam socień ludziej, akcyi salidarnaści prajšli ŭ Prazie i na Kipry — dzie nikoli raniej biełaruskaja dyjaspara nie pravodziła masavych akcyj.
Voś videa z Kipra:
Usiudy ludzi pryjšli z Pahoniami i nacyjanalnymi ściahami.
Jany havorać pa-rusku i pa-biełarusku, ale adnolkava skandujuć «Žyvie Biełaruś!» i «Uchodi».
