Staršynia Centrvybarkama Lidzija Jarmošyna — zaŭsiody aktyŭny kamientatar vybarčaj kampanii. U pryncypie, jaje zadača — prosta arhanizavać praces, ale Jarmošyna z radaściu razvažaje pra jakaści kandydataŭ, raskazvaje, za kaho, na jaje dumku, musić prahałasavać hramadstva.
Jaje cytaty tranślujuć i dziaržaŭnyja, i niedziaržaŭnyja ŚMI.
Adnak u apošni čas niešta źmianiłasia.
Lidzija Jarmošyna, fota Siarhieja Hudzilina
Jarmošyna praciahvaje vystupać — naprykład, 18 i 25 červienia źjavilisia jaje videazvaroty na sajcie CVK, — ale hałoŭnyja dziaržaŭnyja ŚMI jaje… ihnarujuć.
Pošuk pa sajcie BiełTA pakazvaje, što apošniaja zhadka imieni Jarmošynaj — 11 červienia. A paśla — cišynia.
Sajt «Sovietskaj Biełoruśsii» — 11 červienia.
Biełteleradyjokampanija — 10 červienia.
ANT — 10 červienia.
Jość i niekalki vyklučeńniaŭ. «Źviazda» adreahavała na abodva videazvaroty Jarmošynaj, 18 i 26 červienia. «Minsk-Naviny» — na adzin ź ich.
