Patencyjny kandydat u prezidenty Śviatłana Cichanoŭskaja razam ź siabrami inicyjatyŭnaj hrupy zdała ŭ terytaryjalnyja kamisii kala 110 tysiač podpisaŭ, paviedamlaje «Svaboda».
Śviatłana Cichanoŭskaja. Fota Nadziei Bužan.
«Na žal, z roznych pryčyn 36 tysiač podpisaŭ my nie paśpieli zdać», — zaznačyła Cichanoŭskaja.
Jana prosić biełarusaŭ padtrymać jaje muža, Siarhieja Cichanoŭskaha, jaki ŭ druhi raz źmieščany ŭ karcar ź nieviadomych pryčyn. 20 červienia viadomamu błohieru, a ciapier — palitźniavolenamu, praciahnuli termin utrymańnia ŭ karcary da 26 červienia.
«Ja vielmi zaniepakojenaja hetaj situacyjaj, bo nievinavataha čałavieka, takoha, jak my z vami, trymajuć u niečałaviečych umovach taki praciahły čas. Dumaju, Siarhiej nie moh zrabić ničoha takoha, što paciahnuła b takoje surovaje pakarańnie», — zaznačyła Śviatłana.
U paniadziełak, 22 červienia, advakat pasprabuje naviedać SIZA i vyśvietlić pryčyny takich mier.
«Prašu ŭsich padtrymać Siarhieja ŭ takuju ciažkuju chvilinu. Vy možacie napisać jamu listy, vykazaŭšy svaju salidarnaść», — prapanavała Śviatłana.