Siońnia, 15 červienia, u pamiaškańnie kramy symbal.by u 14:30 zavitali z pravierkaj supracoŭnik adździeła pa baraćbie z ekanamičnymi złačynstvami Savieckaha RUUS Minska razam z čatyrma hałoŭnymi dziaržaŭnymi padatkovymi inśpiektarami, paviedamlaje kiraŭnik kramy Pavieł Biełavus.
Na praciahu čatyroch hadzin jany pravodzili pravierku, ahladali handlovyja, ofisnyja i vytvorčyja pamiaškańni, składali pratakoły, vymali častku buchhałtarskich dakumientaŭ.
Suprać kramy viadziecca administracyjny praces pa fakcie, jaki adbyŭsia 12 červienia, kali ŭ kurjera kramy milicyjaniery zabrali cišotki «PSICHO3%», i razhladajecca varyjant zaviadzieńnia administracyjnaj spravy pa fakcie parušeńnia pravił pieravozki materyjalnych kaštoŭnaściaŭ.
Pravodzicca pravierka.
U najbližejšyja dni stanie viadoma, ci budzie zaviedziena administracyjnaja sprava suprać kramy.
