Dziejańni ŭ dačynieńni da Biełhazprambanka ździejśnienyja z parušeńniem zakonaŭ Biełarusi, zakranajuć intaresy rasijskich akcyjanieraŭ, zajaviŭ «Hazpram», paviedamlajuć «RIA Novosti».
«Hazprambank» (AT) i PAT «Hazpram» jak akcyjaniery AAT «Biełhazprambank» zajaŭlajuć ab tym, što 11 červienia 2020 hoda z parušeńniem zakanadaŭstva Respubliki Biełaruś praŭleńniem Nacyjanalnaha banka Respubliki Biełaruś byli ažyćcioŭleny niezakonnyja dziejańni pa pryznačeńni v. a. staršyni praŭleńnia i v. a. namieśnika staršyni praŭleńnia AAT «Biełhazprambank». Hetyja pryznačeńni supravadžalisia zatrymańniem paŭnamocnych členaŭ praŭleńnia Biełhazprambanka pravaachoŭnymi orhanami Respubliki Biełaruś», — havorycca ŭ relizie.
«Hetyja dziejańni ździejśnienyja z hrubym parušeńniem zakanadaŭstva Respubliki Biełaruś i Damovy ab Jeŭrazijskim ekanamičnym sajuzie i niepasredna zakranajuć pravy i zakonnyja intaresy rasijskich akcyjanieraŭ AAT «Biełhazprambank», a taksama intaresy klijentaŭ i ŭkładčykaŭ», — padkreślili ŭ «Hazpramie».
