Departamient finansavych rasśledavańniaŭ Kamiteta dziaržaŭnaha kantrolu maje pierakanaŭčyja dokazy datyčnaści eks-kiraŭnika Biełhazprambanka Viktara Babaryki da supraćpraŭnaj dziejnaści. Pra heta siońnia žurnalistam paviedamiŭ staršynia KDK Ivan Cierciel, pieradaje BiełTA.
Fota Nadziei Bužan
«Faktyčna na bazie banka była stvorana arhanizavanaja złačynnaja hrupa, jakaja ažyćciaŭlała vyvad hrašovych srodkaŭ na terytoryi zamiežnych dziaržaŭ», — prainfarmavaŭ Ivan Cierciel.
«Nie mahu sabie ŭjavić, što toje, što rabiłasia ŭ banku namieśnikami, mahło być nieviadoma kiraŭniku. Mahu paćvierdzić, što ciapier u nas majucca pierakanaŭčyja dokazy jaho dačynieńnia da hetaj supraćpraŭnaj dziejnaści», — skazaŭ jon, adkazvajučy na pytańnie, ci maje da hetaha dačynieńnie były kiraŭnik Biełhazprambanka Viktar Babaryka.
