Valeryj Capkała aceńvaje pieratrusy, zatrymańni prychilnikaŭ alternatyŭnych kandydataŭ jak sprobu cisku. Jon taksama vykazaŭ padtrymku ŭsim pretendentam u kandydaty i nadzieju, što ŭsie dojduć da stadyi rehistracyi. Pra heta jon zajaviŭ u kamientary TUT.BY.
Fota Nadziei Bužan
— Tyja padziei, jakija adbyvajucca vakoł kandydataŭ i ich prychilnikaŭ, ja rasceńvaju jak sprobu cisku. Ale my spravimsia i budziem iści dalej, pakolki bačym, jak šmat vydatnych ludziej, sapraŭdnych hramadzian i patryjotaŭ u nas vierać. Vas ža, suajčyńnikaŭ, ja prašu zadumacca tolki pra adno — my, pretendenty na vyšejšuju pasadu, žyli i pracavali ŭ hetaj krainie, i ŭsio ŭ nas było dobra, nijakich pytańniaŭ z boku orhanaŭ abo prablem z zakonam nie ŭźnikała, ale jak tolki my vyrašyli prapanavać alternatyŭnyja šlachi raźvićcia Biełarusi i paŭdzielničać u prezidenckich vybarach, dyk adrazu znajšlisia skrynki z «kampramatam» i pytańni z boku pravaachoŭnikaŭ. Voś takoje supadzieńnie! Pa-mojmu, usio jasna biez kamientaroŭ, — skazaŭ Valeryj Capkała.
Pretendent u prezidenty adznačyŭ, što ciapier usie pavinny sabracca i zrabić usio zakonnaje i mahčymaje ŭ ramkach Kanstytucyi, «kab viarnuć ŭładu narodu».
— Voś tamu nam patrebny novy kurs, novyja maładyja tvary, kab nazaŭsiody skončyć ź Biełaruśsiu zmročnaha minułaha i pabudavać Biełaruś śvietłaj budučyni, — adznačyŭ Capkała.
Štab pretendenta pracuje ŭ štatnym režymie, pikiety ŭsiudy vystaŭlajucca.