Razam z Bukmiekierskaj kantoraj Leon my praciahvajem aśviatlać čempijanat Biełarusi pa futbole.
Tym časam tyja top-kamandy, što pravalili start lihi, pakrysie padciahvajucca vyšej u tablicy. Minskaje «Dynama» amal z samaha dna padniałosia na vośmy radok, a ich bresckija adnakłubniki paśla dźviuch bujnych pieramoh — užo piatyja.
Kažučy pra papiaredni tur, adznačym nastupnyja matčy. «Viciebsk» adhulaŭsia ź liku 0:2 u matčy z BATE i zdabyŭ piatuju zapar ničyju. «Šachcior» minimalna pieramoh jašče adnaho pramoha kankurenta, «Enierhietyk-BDU», i skarystaŭsia ničyjoj BATE pierad vočnaj hulnioj, padabraŭšysia na adlehłaść u dva turnirnyja bały. «Smalavičy» ŭpieršyniu ŭ siezonie pieramahli i adrazu ž bujna — 4:1 suprać «Haradziei», a «Nioman» davioŭ sieryju ź pieramoh da troch matčaŭ dziakujučy chet-tryku Zorana Marušyča.
Zoran Marušyč. Fota: FK «Nioman».
Voś jak skončylisia matčy 12 tura:
- «Smalavičy» — «Haradzieja» 4:1 (16, Barsukoŭ; 36, Vakulič; 47, Paŭlučak (ah); 88, Makaraŭ — 72, Sajčyč)
- «Słuck» — «Tarpieda-BiełAZ» 1:1 (90+1, Siardziuk — 70, Harbačyk)
- «Isłač» — «Ruch» 1:1 (70, Kamaroŭski — 69, Działo)
- «Słavija» — «Nioman» 1:3 (31, Narch — 19, 75, 86, Marušyč)
- «Dynama-Brest» — «Minsk» 6:1 (27, Kiki; 49, Najok; 64, Hardziajčuk; 71, Łapcieŭ; 74, 82, Savicki — 6, Jeŭdakimaŭ)
- «Viciebsk» — BATE 2:2 (79, Vołkaŭ; 90, Ksienafontaŭ — 14, Niachajčyk; 58, Drahun)
- «Biełšyna» — «Dynama-Minsk» 0:4 (5, Klimovič; 45+1, Daniła; 50, Harapieŭšak; 64, Viarhiejčyk)
- «Šachcior» — «Enierhietyk-BDU» 1:0 (12, Lisakovič)
TURNIRNAJA TABLICA
Pierachodzim da matčaŭ, jakija adbuducca pry kancy hetaha tydnia.
«Minsk» — «Isłač»
- 12.06, 18:00. Minsk, stadyjon «Traktar».
- Kaeficyjenty: «Minsk» (pieramoha) — 3.10; ničyja — 3.50; «Isłač» (pieramoha) — 2.42.
Tur adkryvajecca matčam kamand, čyj uzrovień na siońnia vielmi składana acanić. Pa viartańni z karancinu, «Minsk» minimalna pa spravie pieramoh «Słuck», ale byŭ prosta źniščany ŭ Breście. Pra kadravyja prablemy «Isłačy» my ŭžo kazali nieadnarazova.
Tamu pradkazać favaryta ŭ matčy davoli prablematyčna. Pasprabujem sprahnazavać vynik matča pa kolkaści zabitych miačoŭ.
Prahnoz «NN»: totał, mienšy čym 2.5.
«Haradzieja» — «Słuck»
- 12.06, 20:00. Stadyjon «Haradzieja».
- Kaeficyjenty: «Haradzieja» (pieramoha) — 3.55; ničyja — 3.48; «Słuck» (pieramoha) — 2.21.
Raniej matč kamand z Haradziei i Słucka nazyvaŭsia «cukrovym derbi». Ciapier z nazvaj derbi ŭźnikli prablemy, bo cukrovyja kambinaty sinchronna spynili finansavańnie kamand.
U «Słucka» — piać matčaŭ bieź pieramoh i spad ź pieršaha miesca na šostaje, u «Haradziei» niepryjemnaja sieryja raściahnułasia ažno na siem matčaŭ i zavaliła kamandu amal na samaje dno. Tamu vy razumiejecie, nakolki važny piatničny matč dla abiedźviuch kamand?
Prahnoz «NN»: «Haradzieja» nie sastupić.
«Nioman» — «Smalavičy»
- 13.06, 16:00. Hrodna. CSK «Nioman».
- Kaeficyjenty: «Nioman» (pieramoha) — 1.65; ničyja — 4.15; «Smalavičy» (pieramoha) — 5.80.
U «Smalavičaŭ», imavierna, zaharełasia śviatło ŭ kancy čornaha tunela. U kłuba źmianiŭsia dyrektar, taksama paviedamlajecca pra pahašeńnie zapazyčanaściaŭ pierad hulcami. Tamu paśla pieršaj pieramohi ŭ kłuba z horada-spadarožnika stalicy jość nahoda być u dobrym nastroi.
Pieršaja pieramoha «Smalavičaŭ» u vyšejšaj lizie z 2018 hoda. Fota: FK «Smalavičy».
U «Niomana» nastroj jašče lepšy — try pieramohi i imklivy padjom na siomy radok. Sustreča z adnym z aŭtsajdaraŭ — dobraja nahoda praciahnuć pryjemnuju sieryju jašče na adzin matč.
Prahnoz «NN»: «Nioman» pieramoža.
«Tarpieda-BiełAZ» — «Dynama-Brest»
- 13.06, 18:00. Žodzina, stadyjon «Tarpieda».
- Kaeficyjenty: «Tarpieda» (pieramoha) — 4.05; ničyja — 3.60; «Dynama» (pieramoha) — 2.02.
Žodzina sioleta demanstruje absalutna roznyja vyniki ŭ matčach z top-kamandami. Pieramoha nad «Šachcioram», paraza ad minskaha «Dynama» i ničyja z BATE. Tamu pradkazać, jak składziecca matč z čempijonami, vielmi prablematyčna.
Treba taksama ŭličvać, što Brest, zdajecca, narešcie znajšoŭ svaju hulniu i pačynaje nahaniać stračanaje.
Prahnoz «NN»: «Dynama» pieramoža.
«Dynama-Minsk» — «Słavija»
- 13.06, 20:00. Minsk, stadyjon «Dynama».
- Kaeficyjenty: «Dynama» (pieramoha) — 1.52; ničyja — 4.55; «Słavija» (pieramoha) — 7.00.
Minskaje «Dynama» žadaje jak maha bolš bałaŭ sabrać da kanca pieršaha kruha, kab pačać pierabudovu kamandy. Užo padpisanyja abaroncy Siarhiej Maćviejčyk i Andrej Bacuła, a taksama bramnik Jaŭhien Pamazan. Pakul nieviadoma, što Leanid Kučuk budzie rabić sa spadčynaj Hurenki.
Hałoŭny trenier «Słavii» Michaił Marcinovič pryznaŭ spad kamandy. Vidać, mazyrčukam adhukajecca składany start čempijanatu z kubkavymi paŭfinałami.
Prahnoz «NN»: «Dynama» pieramoža.
«Enierhietyk-BDU» — «Biełšyna»
- 14.06, 16:00. Maładziečna, haradski stadyjon.
- Kaeficyjenty: «Enierhietyk» (pieramoha) — 1.57; ničyja — 4.50; «Biełšyna» (pieramoha) — 6.20.
Paśla čatyroch pieramoh u apošnich dvuch turach studenty nabrali ŭsiaho 1 turnirny bał i ŭ vočnaj hulni dali siabie abahnać «Šachcioru».
Jość niebłahi šaniec znoŭ viarnuć usio na pieramožnyja rejki — u apošnich matčach «Biełšyna» prapuskaje amal pa 4 miačy za matč i paśla pieramohi «Smalavičaŭ» zastałasia na dnie ŭ poŭnaj adzinocie.
Prahnoz «NN»: «Enierhietyk» pieramoža.
«Ruch» — «Viciebsk»
- 14.06, 18:00. DASK «Brescki».
- Kaeficyjenty: «Ruch» (pieramoha) — 2.42; ničyja — 3.17; «Viciebsk» (pieramoha) — 3.44.
Hulnia samych miralubivych kamand čempijanatu: bieraściejcy i viciablanie majuć pa šeść ničyich paśla 12 turaŭ. Naohuł, kolkaść pieramoh i paraz u kłubaŭ taksama adnolkavaja, tamu tut pradkazać pieramožcu vielmi i vielmi składana.
Tolki što «Viciebsku» treba budzie jechać u śpioku praz usiu Biełaruś. Heta moža paŭpłyvać na fizičny stan kamandy.
Prahnoz «NN»: nie budziem aryhinalnymi, tamu ničyja.
BATE — «Šachcior»
- 14.06, 20:00. «Barysaŭ-Arena»
- Kaeficyjenty: BATE (pieramoha) — 2.16; ničyja — 3.41; «Šachcior» (pieramoha) — 3.80.
Tur zakryvaje prosta supierhulnia, ad jakoj buduć zaležać turnirnyja raskłady jak minimum na najbližejšyja tury.
Kali pieramoža BATE, to heta daść barysaŭcam adryŭ jak minimum na čatyry punkty. Ničyja dazvolić kankurentam nablizicca da siabie, a paraza naohuł zrobić «Šachcior» lidaram tablicy.
Salihorcy demanstrujuć apošnim časam vydatnuju efiektyŭnuju hulniu, a za 12 turaŭ kamanda Vierniduba prapuściła ŭsiaho trojčy.
Fota: FK «Šachcior».
Ale ŭ «Šachciora» jość daŭnija prablemy z vyrašalnymi matčami, ale, mahčyma, tut dapamoža vydatnaja forma i zmaharski charaktar Vitala Lisakoviča.
Prahnoz «NN»: totał, mienšy čym 2.5.
U suviazi z raspaŭsiudam karanavirusa my nie raim vam naviedvać ludnyja mierapryjemstvy, u tym liku futbolnyja matčy. Kali ŭsio ž vyrašycie pajści na stadyjon, prytrymlivajciesia mieraŭ zaściarohi.
Dzialiciesia prahnozami ŭ kamientarach. Kali ličycie siabie ekśpiertam u biełaruskim futbole, zrabicie staŭku ŭ Bukmiekierskaj kantory Leon!
