Ministerstva achovy zdaroŭja vykazała ščyruju padziaku ŭsim ludziam i kampanijam, jakija ŭ hety niaprosty čas abjadnalisia dla dapamohi miedycynskim rabotnikam, paviedamlaje telehram-kanał viedamstva.
Nieabyjakavyja hramadzianie, pradpryjemstvy, kamiercyjnyja kampanii, hramadskija arhanizacyi, vałanciorski ruch svajoj dapamohaj, siłaj duchu i dabrynioj dapamahajuć nie tolki miedykam, ale i ŭsioj krainie, jakoj patrebna padtrymka ŭ hetych nadzvyčajnych abstavinach, adznačyli ŭ Ministerstvie achovy zdaroŭja.
Ministerstva achovy zdaroŭja harantuje, što ŭsie srodki, achviaravanyja na dabračynny rachunak, vydatkavanyja na zakupku abstalavańnia dla łabaratornaj dyjahnostyki COVID-19, dyjahnastyčnych naboraŭ, achoŭnych srodkaŭ, lekavych preparataŭ, a taksama na akazańnie dapamohi chvorym. «My vydatna razumiejem, što pośpiech, dasiahnuty nami ŭ apošni čas, — heta vynik karpatlivaj sumiesnaj pracy, pastajannaha štodzionnaha ŭzajemadziejańnia i dapamohi», — dadali ŭ viedamstvie.
