Hienietyčnyja pašparty atrymali ŭžo bolš za 16 tysiač biełarusaŭ. Pra heta «Minsk-Navinam» paviedamiła namieśnik dyrektara pa navukovaj rabocie Instytuta hienietyki i cytałohii NAN Biełarusi Alena Syčova.
— Usiaho ŭ Instytucie hienietyki i cytałohii NAN Biełarusi štohod vykonvajuć u siarednim kala 38 tys. hienietyčnych analizaŭ. Najbolš zapatrabavanyja ŭ nasielnictva pasłuhi hienietyčnaha teściravańnia (68% ad ahulnaha abjomu) pa napramkach «miedycynskaja hienietyka» i «hienietyka sportu», — adznačyła Syčova.
Supracoŭniki instytuta raspracavali mietady hiennaj dyjahnostyki pa 19 sacyjalna-značnych zachvorvańniach, u tym liku takich raspaŭsiudžanych, jak sardečna-sasudzistyja, dyjabiet, asteaparoz. DNK-teściravańnie pa vyznačeńni ryzyki nievynošvańnia ciažarnaści, źviazanaj sa spadčynnaj trombafilijaj, vykanana dla 13 099 žančyn. Pavodle apytańnia adnoj tysiačy biełarusak z ustanoŭlenymi hienietyčnymi pryčynami takoj patałohii, paśla adpaviednaha lačeńnia 86,6% paśpiachova naradzili.
