U Snovie (Niaśvižski rajon) uviečary 6 červienia hareła siadziba Hartynhaŭ, pabudavanaja jašče ŭ siaredzinie XIX stahodździa.
fota z fejsbuka Sinsin SSin
«Dach byŭ uvieś u dymie, adkrytaha połymia nie było, piaciora pažarnych vyjazdžali», — raskazvajuć vidavočcy.
Dym ludzi bačyli kala vośmaj hadziny viečara.
Pryčyny ŭzharańnia nieviadomyja. Siadziba staić zakinutaja, ale miascovyja kažuć, što tam časam i dzieci hulajuć, i biazdomnyja byvajuć.
fota Andreja Dyboŭskaha, «Hłobus Biełarusi»
Za savieckim časam u siadzibie znachodziłasia kantora kałhasa, paśla balnica. Apošnim časam jana stajała zakinutaja.
U 2014 hodzie jaje ŭziaŭ u arendu minčuk Ivan Hrudźko. Źbiraŭsia adkryć tam haścinicu, ale praź finansavyja ciažkaści płany daviałosia adkłaści. Pra pryčyny pažaru mužčyna nie viedaje, ramontu u hetyja dni ŭ siadzibie nie viałosia. Ale paćviardžaje, što ŭ domie, vierahodna, nočać biazdomnyja.
«Moža, chto zakuryŭ i zasnuŭ. Mnie ź milicyi telefanavali, paviedamili pra pažar, ale skazali, što budynak amal nie paciarpieŭ. Jak pryjedu nastupnym razam, pazakałočvaju ŭsio, bo ŭsie doški adarvanyja», — kamientuje situacyju Ivan Hrudźko.
