Fota Nadziei Bužan
Niahledziačy na źnižeńnie zachvorvańnia na COVID-19 u niekatorych rehijonach krainy, biełarusam varta pradoŭžyć zachoŭvać miery dystancynavańnia i nasić maski ŭ miescach masavaha skopišča ludziej, paviedamiła BIEŁTA namieśnik načalnika adździeła hihijeny, epidemijałohii i prafiłaktyki Ministerstva achovy zdaroŭja Ina Karaban.
«Z nadychodam leta ludzi samazaspakoilisia. Razam z tym virus pradaŭžaje cyrkulavać, ab hetym treba pomnić. Va ŭsich miescach masavaj kolkaści ludziej (mietro, mahazinach, hramadskim transparcie, bankach i h.d.) abaviazkova nasić maski i zachoŭvać miery sacyjalnaha dystancynavańnia», — skazała Ina Karaban. Na adkrytym pavietry (naprykład, u parkach, skvierach), dzie jość mahčymaść sacyjalna dystancyravacca, našeńnie masak niemetazhodna.
Jak rastłumačyła namieśnik načalnika adździeła, vykarystańnie masak daść mahčymaść zaścierahčy nie tolki siabie, ale i inšych ad zaražeńnia, pakolki isnujuć vypadki bieśsimptomnaha chodu infiekcyi. Maska stvaraje barjer ad papadańnia na ślizistyja abałonki nosa patencyjalna inficyravanych kropiel, jakija vydzialajucca z dychalnych šlachoŭ pry kašli, čchańni, razmovie i tym samym moža abmiežavać raspaŭsiudžvańnie virusa.
Taksama maska zaścieraže ad pastajannaha dakranańnia rukami da tvaru, što źjaŭlajecca adnym z asnoŭnych faktaraŭ raspaŭsiudžvańnia infiekcyi.
Usie maski, jakija pradajucca ŭ aptekach, źjaŭlajucca efiektyŭnym srodkam abarony pry ich pravilnym vykarystańni.
Maska pavinna ščylna zakryvać rot i nos, nie pakidajučy zazoraŭ. Nie treba jaje apuskać na baradu i kranać rukami. Masku treba mianiać kožnyja 2-3 hadziny vykarystańnia, a pry jaje ŭvilhatnieńni — adrazu ž. Paŭtorna možna nadzieć tolki šmatrazovuju, jakaja pierad hetym była pamyta i praprasavana. Adnarazovuju masku treba vykinuć.
Miedyki taksama rekamiendujuć nasić akulary. Jany zdolny zaścierahčy vočy ad papadańnia vydzialeńniaŭ zaražanaha čałavieka pry kašli abo čchańni.
Razam z tym nijakija srodki indyvidualnaj abarony nie zaścierahuć ad zaražeńnia virusam, kali nie vykonvać elemientarnyja praviły hihijeny, padkreśliła Ina Karaban. Paśla naviedvańnia miescaŭ masavaha skopišča ludziej u abaviazkovym paradku treba staranna vymyć ruki z myłam, a kali takoj mahčymaści niama — pradezynficyravać antysieptykam. Taksama važna rehularna apracoŭvać pavierchni (ručki dźviarej, hadžety, kłavijaturu kampjutara i inš.).
Luby virus niebiaśpiečny ŭ pieršuju čarhu dla čałavieka z asłablenym imunitetam. Tamu vielmi važnyja paŭnacenny son, fizičnaja aktyŭnaść i ŭžyvańnie zdarovych praduktaŭ, bahatych na białki i vitaminy.