Ich spyniła mašyna DAI na vyjeździe z horada. Jak paviedamiła žurnalistka-fryłansierka, jakaja supracoŭničaje z «Biełsatam», Alena Dubovik, jaje razam z apierataram Alesiam Barazienkam zatrymali ŭ Babrujsku, kali jany viartalisia ŭ Miensk.
«Nam skazali jechać za mašynaj DAI ŭ RAUS, bo ŭ dačynieńni da nas viadziecca administracyjnaja sprava. Ź imi było jašče 2 supracoŭniki AMAPa. Jany mianie asobna zabrali», — paviedamiła Alena.
Što ź imi, pakul što nieviadoma: telefon Aleny vyklučany, a Aleś Barazienka nie biare słuchaŭku.
Siońnia jany viali strym sa zboru podpisaŭ za Śviatłanu Cichanoŭskuju.
0
0
0
0
0
0