Biełaruś i Rasija mohuć viarnucca da abmierkavańnia darožnych kart pa pahłybleńni intehracyi ŭ ramkach sajuznaj dziaržavy ŭ vieraśni — kastryčniku 2020 hoda. Pra heta zajaviŭ pasoł Biełarusi ŭ Rasii Uładzimir Siamaška, pieradaje karespandent partała sajuznaj dziaržavy.
Uładzimir Siamaška nahadaŭ, što ŭradami, halinovymi ministerstvami i viedamstvami razhornuta rabota pa padrychtoŭcy 30 darožnych kart pa farmiravańni adzinych i abjadnanych rynkaŭ sajuznaj dziaržavy. Raniej u vyniku pieramovaŭ baki całkam uzhadnili 28 darožnych kart. Nie ŭdałosia dasiahnuć damoŭlenaściaŭ pa pytańniach pra adzinuju valutu, adziny rynak hazu i pa kampiensacyi padatkovaha manieŭru.
«Minsk hatovy ŭ luby momant sieści za stoł pieramovaŭ pry najaŭnaści dobraj voli našych rasijskich partnioraŭ i siabroŭ. Dumaju, što taki momant nastupić u vieraśni — kastryčniku hetaha hoda, kali my pavinny viarnucca da napracavanych dakumientaŭ, u jakija ŭkładziena šmat intelektu, pracy i času. Naturalna, treba trochi ich padkarektavać. Mierkavałasia, što jany pačnuć dziejničać ad 1 studzienia 2021, adnak praz pryčyny, jakija skłalisia, hetyja hrafiki pieranosiacca. Ale ja liču, što, znoŭ sieŭšy za stoł pieramovaŭ, užo z 1 studzienia 2022 hoda my pavinny stvaryć narmatyŭnuju bazu i vyrašyć prablemy pa hetych kartach», — skazaŭ Uładzimir Siamaška.
