U Minsku dastatkova resursaŭ, kab zabiaśpiečvać biaśpieku padčas praviadzieńnia kampanii pa zbory podpisaŭ u padtrymku kandydataŭ u prezidenty i zmahacca z pravakacyjami. Pra heta zajaviŭ mer Minska Anatol Sivak u efiry BT.
«Heta nie praces ahitacyi, kali źbirajucca mitynhi i iduć abmierkavańni, vykazvajucca mierkavańni, heta prosty praces zboru podpisaŭ: padyšoŭ, raśpisaŭsia i dalej žyvioš, pracuješ», — skazaŭ Sivak.
Adnak mer zajaviŭ, što ŭ stalicy ŭsio ž znachodziacca ludzi, jakija nibyta admaŭlajucca razumieć, čym źjaŭlajecca praces zboru podpisaŭ.
«Jany hety praces zboru podpisaŭ admysłova vykarystoŭvajuć dla taho, kab pravodzić niejkuju ahitacyju. Pryčym byli takija zajavy, kab pravodzić takuju ahitacyju nie za siabie jak za kandydata, a prosta, napeŭna, kab naviazać svaju pazicyju, zładzić niejkuju demanstracyju, časam prachodziać na hrani fołu svarki. Na hetym etapie my budziem prymać rašeńni, kab hetyja pravakatary nie źjaŭlalisia ŭ takich miescach», — zapeŭniŭ Anatol Sivak.
