Biełaruś i Jeŭrapiejski sajuz vykanali ŭsie pracedury, nieabchodnyja dla ŭstupleńnia ŭ siłu pahadnieńniaŭ ab spraščeńni vizavaha režymu i readmisii, paviedamlaje BiełTA.
Siońnia ŭ Ministerstva zamiežnych spraŭ pastupiła aficyjnaje paviedamleńnie ad Jeŭrasajuza ab zaviaršeńni ŭnutranych pracedur pa ratyfikacyi pahadnieńniaŭ. Biełaruś zaviaršyła hetyja pracedury jašče ŭ krasaviku. Takim čynam, usie pracedury vykanany. Pahadnieńni pačnuć dziejničać z 1 lipienia.
Zhodna z pahadnieńniem ab spraščeńni vydačy viz košt razhladu vizavych chadajnictvaŭ dla hramadzian Biełarusi źnižajecca da 35 jeŭra. Terminy razhladu chadajnictvaŭ składuć 10 kalandarnych dzion. Praduhledžana mahčymaść vydačy vizaŭ u terminovym i nieadkładnym paradku. Vyznačajucca padstavy dla vyzvaleńnia šerahu katehoryj hramadzian ad apłaty vizavaha zboru.