Pra heta paviedamiŭ žurnalistam ministr antymanapolnaha rehulavańnia i handlu Uładzimir Kałtovič pa vynikach dakłada kiraŭniku dziaržavy ab situacyi na spažyvieckim rynku krainy, piša BIEŁTA.
«My pakul pryniali rašeńnie prypynić pavyšeńnie zapłanavanych taryfaŭ na adukacyju (razam ź Ministerstvam adukacyi), transpart i suviaź», — skazaŭ ministr. Pavodle jaho słoŭ, takaja miera daść mahčymaść strymać rost inflacyi, jaki paskoryŭsia za sakavik-krasavik, i pa vynikach maja ŭvajści ŭ zapłanavanuju trajektoryju inflacyi.
Adkazvajučy na pytańnie, jak doŭha budzie dziejničać hety maratoryj, jon rastłumačyŭ, što MARH vierniecca da abmierkavańnia hetaha pytańnia pa vynikach červienia. «Kali ŭvachodzim u zapłanavany trend inflacyi i situacyja zachoŭvajecca narmalnaj, to my za toje, kab pavysić taryfy, jakija byli zapłanavany da pavyšeńnia, — rastłumačyŭ jon. — Pa vynikach červienia budzie zrazumieła, što možam pavyšać. Kali budziem iści ŭ pryhraničnaj situacyi (pa pakazčykach inflacyi. — Zaŭvaha BIEŁTA), to, chutčej za ŭsio, vierniemsia da hetaha pytańnia ŭ čaćviortym kvartale».
