Napiaredadni dnia śmierci paŭstanckaha kamisara Dzisienskaha pavieta suśvietna viadomaha skulptara Hienryka Dmachoŭskaha (zahinuŭ 26 maja 1863 hoda — u bai z karnikami «vaśmiu kulami prašyty») na mahile hieroja źjaviŭsia hodny vieličny pomnik.
Mahiła, dzie Dmachoŭski pachavany razam z dvuma nieviadomymi paŭstancami, znachodzicca ŭ lesie na staražytnym kurhannym mohilniku pablizu vioski Biruli Dokšyckaha rajona.
Zusim maładym Dmachoŭski braŭ udzieł u vyzvolnym paŭstanńni 1831 hoda. Žyvučy potym u emihracyi za akijanam, jon stvaryŭ biusty Tadevuša Kaściuški, prezidentaŭ Džordža Vašynhtona, Tomasa Džefiersana i adnaho z hierojaŭ vajny za niezaležnaść Złučanych Štataŭ Amieryki Biendžamina Franklina. Hetyja biusty i siońnia ŭpryhožvajuć Kanhres ZŠA. Tvorčy hienij našaha suajčyńnika naradziŭ taksama skulpturnuju hrupu «Harybaldzi z vajarami», vyjavu vienhierskaha nacyjanalnaha hieroja Łajaša Košuta… Raniej, u Paryžy, Dmachoŭski ŭdzielničaŭ u stvareńni sarkafaha Napaleona.
Niezadoŭha da paŭstańnia Kalinoŭskaha Hienryk viarnuŭsia na radzimu, kab uziać u ruki zbroju.
Doŭhi čas mahiła była ŭ žudasnym stanie, ad jaje amal nie zastałosia znaku. Voś tak jana vyhladała jašče ŭ 2013 hodzie na fota Kastusia Šytala.