22 maja pamior Michaił Zubrycki, hałoŭny patołahaanatam Hrodzienskaj vobłaści. Jon byŭ zaražany karanavirusam. Śmierć Hrodna.life paćvierdzili niekalki krynic, u tym liku kalehi miedyka z Hrodzienskaha abłasnoha kliničnaha patołahaanatamičnaha biuro.
Pavodle infarmacyi Hrodna.lifie, Michaił Zubrycki tydzień znachodziŭsia ŭ komie. 22 maja jon pačaŭ prychodzić u prytomnaść, ale palapšeńniaŭ nie nastupiła. Jamu byŭ 51 hod.
Siarod patołahaanatamaŭ i sudmiedekśpiertaŭ kolkaść zachvorvańniaŭ padčas epidemij pavialičvajecca ŭ dziesiać razoŭ. Tak było i pry ptušynym hrypie, i pry atypovaj pnieŭmanii, raspaviadaje sudmiedekśpiert z Hrodna.
Michaił Zubrycki pracavaŭ načalnikam abłasnoha patołahanatamičnaha biuro z 2009 hoda.
Aŭtar 141 navukovaj pracy, u tym liku 1 manahrafii.
Asnoŭnym kirunkam dziejnaści Zubryckaha było vyjaŭleńnie marfałahičnych źmianieńniaŭ u arhaniźmie čałavieka pry roznych virusnych infiekcyjach.
