Fota Nadziei Bužan
Bankir i miecenat Viktar Babaryka prynios dakumienty na rehistracyju ŭ CVK. U jaho hrupie 5500 čałaviek, ale spadziajecca pavialičyć da 7500. Ludzi ŭ inicyjatyŭnuju hrupu sabralisia za try dni, źviestki vałancioraŭ, što padalisia ŭ apošni dzień, apracoŭvajucca.
«Matyvacyja — zrabić Biełaruś lepšaj», — adznačyŭ bankir, adkazvajučy na pytańni žurnalistaŭ.
«Ja nie razumieju, što takoje prarasijski kandydat. Ja — hramadzianin Biełarusi Viktar Babaryka», — skazaŭ jon.
«Ja na vybary idu abiracca prezidentam Respubliki Biełaruś»., — adkazaŭ jon na pytańnie «NN», ci idzie jon brać uładu.
Fota Nadziei Bužan
«Ja vielmi rady, što Biełaruś prajaŭlaje intares da vybaraŭ», — prakamientavaŭ Babaryka pytańnie pra vialikuju padtrymku ŭ internecie i skazaŭ, što rašeńnie pra vybary ŭ čas pandemii prymaŭ nie jon. «Kali jaho pryniali, to ja vyrašyŭ paŭdzielničać», — dadaŭ jon.
«Žyćcio pakaža, ci źbiaru ja podpisy. Kali b ja nie vieryŭ u heta, to nie rabiŭ by», — miarkuje bankir i abiacaje maksimalnuju biaśpieku zborščykam u čas pandemii.
Taksama jon skazaŭ, što kančatkovaje rašeńnie bałatavacca pryniaŭ ranicaj u paniadziełak.
«Ja spadziajusia stać prezidentam Biełarusi i vieru, što stanu», — reziumavaŭ bankir.