CVK na siońniašnim pasiadžeńni vyrašała, ci rehistravać vosiem udzielnikaŭ hrupy Statkieviča (usiaho — 27 čałaviek u hrupie), što padali zajaŭki na rehistracyju inicyjatyŭnych hrup pa vyłučeńni ŭ prezidenty: Vieraniku Miščanku, Alaksandra Hračyšnikava, Volhu Mikałajčyk, Anžaliku Žaleźnikovu, Valancina Frałova, Antaninu Višniakovu, Viktoryju Chatenku, Ihara Kleščuka
Skazana, što inicyjatyŭnyja hrupy častkova supadajuć, u źviestkach znojdziena 50 pamyłak.
Aproč taho, pradstaŭniki CVK skazali, što abzvańvali ludziej ź inicyjatyŭnych hrup. I tyja, maŭlaŭ, pryznavalisia, što nie davali svajoj zhody na ŭdzieł u hrupach, a taksama błytajucca ŭ proźviščach.
Jarmošyna aburajecca, što Statkievič učora zajaviŭ, što jaho hrupa nie źbirajecca źbirać podpisy. Udzielniki hrupy, što prysutničajuć na pasiadždeńni CVK, nastojvajuć na tym, što buduć źbirać podpisy.
U vyniku vyrašyli nie rehistravać.
Nastupnaje pasiadžeńnie projdzie ŭ aŭtorak.
Takim čynam zarehistravanyja hrupy: Alaksandra Łukašenki, Aleha Hajdukieviča, Juryja Hanceviča, Uładzimira Niapomniaščych; nie zarehistravali Vitala Ziałkoŭskaha, Siarhieja Cichanoŭskaha, častku hrupy Statkieviča.
