Dakumienty na rehistracyju inicyjatyŭnych hrup padali ŭ druhoj pałovie dnia adrazu amal 20 pradstaŭnikoŭ «kamandy Statkieviča»: piensijanier Minabarony Alaksandr Jakuškoŭ ź Viciebska, fielčarka z Homiela Alena Davydava, Rehina Bierkus — piensijanierka ź Lidy, mašynist pompavych ustanoŭ z Žodzina Dźmitryj Kudraviec, IP ź Jelskaha rajona Alaksiej Zujevič, fiermier sa Žłobinščyny Piotr Karabanaŭ, biespracoŭny z Oršy Alaksandr Školnikaŭ, Mikałaj Salanik z Hrodna, Tamara Patockaja, uładalnica ahrasiadziby ŭ Baranavickim rajonie, Natalla Strelčanka z Dubroŭna i Alaksandr Abramovič z Barysava, Juryj Kasač z Navapołacka, Siarhiej Statkievič z Rečycy, Viktar Šorac z Maładziečna, Uładzimir Nieŭmiaržycki z Mazyra, Uładzimir Kijko ź Viciebska i sam Mikoła Statkievič.
Va ŭsich ich kiraŭnik inicyjatyŭnaj hrupy Mikoła Statkievič (u jaho samoha žonka — Maryna Adamovič). Raniej ad jaho hrupy padalisia vosiem čałaviek — h.zn., usiaho padadziena amal 25 zajavak. Statkievič anansavaŭ, što ahułam pavinny padacca 20-30 kandydataŭ pratestu.
Usiaho — z Łukašenkam i Hajdukievičam — padadziena 34 zajaŭki.
Rehistracyja inicyjatyŭnych hrup skončycca ŭ piatnicu. Potym CVK ciaham piaci dzion vyrašaje, rehistravać ich ci nie.
Na minułych vybarach, u 2015 hodzie, vykazali namier bałatavacca dva z pałovaj dziasiatki čałaviek, ale CVK zarehistravaŭ tolki vosiem hrup, da finału dajšli čatyry čałavieki.
