U biudžet Biełarusi z-za padzieńnia abjomaŭ naftapierapracoŭki i źnižeńnia ekspartu kalijnych uhnajeńniaŭ u pieršym kvartale niedapastupiła kala 350 miljonaŭ rubloŭ ($143 miljony pa biahučym kursie), paviedamiŭ premjer Siarhiej Rumas, paviedamlaje Interfax.by.
«U pieršym kvartale z-za paharšeńnia ŭmoŭ pracy NPZ i źnižeńnia abjomaŭ i cen ekspartu kalijnych uhnajeńniaŭ dachody biudžetu skłalisia ź niekatorym adchileńniem ad płana: niedapastupiła kala 350 miljonaŭ biełaruskich rubloŭ», — skazaŭ Rumas.
Na jaho dumku, u suviazi z recesijaj u suśvietnaj ekanomicy mahčymyja składanaści ź finansavańniem kapitalnych vydatkaŭ biudžetu ŭ hetym hodzie.
Premjer padkreśliŭ, što «situacyja z pandemijaj karanavirusa źjaŭlajecca adnoj z asnoŭnych ryzyk, jakija ŭpłyvajuć na ekanomiku krainy».
