Kurjozny vypadak adbyŭsia ŭviečary 8 maja pablizu čyhunačnaha pierajezdu na ŭskrajku Mahilova, paviedamlaje abłasnaja milicyja.
Hruzavy ciahnik, u składzie jakoha znachodziłasia 100 vahonaŭ, nakiroŭvaŭsia z Mahilova ŭ Žłobin. Pry prajeździe pierahona Mahiloŭ-2 — Bujničy mašynist źviarnuŭ uvahu na toje, što ŭ kalainie čyhunačnaha puci na adlehłaści 200 mietraŭ ad ciahnika lažyć čałaviek.
Mašynist prymianiŭ ekstranaje tarmažeńnie. Adnak poŭnaściu spynicca ŭdałosia tady, kali nad mužčynam prajechała ŭžo piać vahonaŭ. Ale ni hučnyja hukavyja sihnały, ni hrukat kołaŭ nie zmahli abudzić 69-hadovaha mužčynu.
Pryvieści ŭ pačućcio 69-hadovaha mahiloŭca zmahli tolki śpiecyjalisty łakamatyŭnaj bryhady, a zatym rabotniki chutkaj miedycynskaj dapamohi, jakija dastavili apošniaha ŭ balnicu. U chodzie abśledavańnia ŭ mužčyny nijakich cialesnych paškodžańniaŭ vyjaŭlena nie było.
