Kala 20 haradziencaŭ uviečary 6 maja sabralisia ŭ parku Žylibiera ŭ padtrymku błohiera Siarhieja Cichanoŭskaha — aŭtara kanała «Kraina dla žyćcia», piša Hrodna.life. Jaho ŭ toj ža dzień zatrymała milicyja ŭ pryharadzie Mahilova.
Błohier padčas zatrymańnia vioŭ strym. Jon paśpieŭ paprasić padpisčykaŭ kanała pryjechać na miesca incydentu i padtrymać jaho.
U Hrodnie padpisčyki Cichanoŭskaha sabralisia ŭ parku Žylibiera. Pryjšło kala 20 čałaviek. Za imi pilna sačyli kala dziasiatka supracoŭnikaŭ milicyi. Paśla hetaha haradziency vyrašyli sabracca ŭ inšym miescy.
«Siarhiej Cichanoŭski robić pravilnuju spravu, — raspaviadaje Alena S. — My jaho padtrymlivajem i pieražyvajem. Nam nieabyjakava, što ź im adbyvajecca. I siońnia my vyjšli ŭ Hrodnie ŭ znak salidarnaści, tak robiać ludzi pa ŭsioj Biełarusi. Nie paśpieli my sabracca, jak za nami stali sačyć supracoŭniki milicyi».
«My za salidarnaść, — raspaviadaje hramadzianski aktyvist Mikałaj Salanik. — Sabralisia, kab padtrymać Siarhieja. My jaho padtrymlivajem, pavažajem, padtrymlivajem jaho palityku. Jon sapraŭdny patryjot. Žadajem, kab jaho chutčej vypuścili. Ja dumaju, ciapier budzie z kožnym dniom ludziej usio bolš vychodzić».
