1 maja Biełarusbank prypyniŭ vydaču kredytaŭ na kuplu žylla na druhasnym rynku. Akramia hetaha, ciapier bank časova nie prymaje zajaŭki na vydaču jašče niekatorych kredytaŭ, u tym liku na refinansavańnie i na kuplu aŭto, paviedamlaje Tut.by.
U pryvatnaści, z 1 maja prypyniła pryjom zajavak na kredyt na refinansavańnie «Udałaje abnaŭleńnie», na nabyćcio novych aŭtamabilaŭ (akramia kredytaŭ na mašyny Geely ŭ ramkach prahramy z SZAT «BiełDžy»), a taksama spažyvieckaha kredytu z vykarystańniem kredytnaj kartki ŭ miežach zaklučanych dahavoraŭ ab supracoŭnictvie z arhanizacyjami handlu i servisu.
— Bank infarmuje svaich klijentaŭ, što ŭsie zajaŭki na kredyt, jakija pastupili da 1 maja 2020, buduć razhledžany va ŭstanoŭlenym paradku na raniejšych umovach, — dadajuć u Biełarusbanku.
Heta tyčycca jak kredytaŭ na kuplu žylla na druhasnym rynku, tak i na kuplu novych aŭto i na refinansavańnie.
