Červieńskija fjučarsy na amierykanskuju naftu WTI rezka abvalilisia ŭ paniadziełak, 27 krasavika. Pra heta śviedčać danyja tarhoŭ na Łondanskaj biržy ICE.
Košt syraviny na praciahu adnaho handlovaha dnia abvaliŭsia na 28%. U pačatku handlovaj siesii baral nafty kaštavaŭ 16,74 dalara, a potym apuskaŭsia da 13,05 dalara.
Nafta Brent taksama tańnieje ŭ paniadziełak, adnak padzieńnie etałonnaj jeŭrapiejskaj syraviny značna mienšaje — 6,3 pracenta. U pačatku tarhoŭ baral Brent kaštavaŭ 21,61 dalara, pa stanie na 17:10 jon kaštuje 19,61 dalara.
Ceny na syravinu na suśvietnych rynkach padajuć u suviazi z aściarohami z nahody zapaŭnieńnia naftaschoviščaŭ i niepakojem za majskija fjučarsy Brent, jakija padlahajuć vykanańniu 30 krasavika. Inviestary aścierahajucca paŭtareńnia paničnaha rasprodažu, jaki adbyŭsia na minułym tydni z kantraktami na pastaŭku WTI. Tady košt syraviny apuskaŭsia da minus 40 dalaraŭ za baral.
