Na ścienach hałoŭnaha chrama Uzbrojenych sił Rasii źjaviacca mazaiki z vyjavaj prezidenta Uładzimira Pucina, kiraŭnika Minabarony krainy Siarhieja Šajhu i savieckaha dyktatara Iosifa Stalina. U RPC takoje afarmleńnie patłumačyli «tradycyjaj», piša RBK.
U hutarcy z vydańniem nastajaciel chrama jepiskap Klinski Stefan paviedamiŭ, što vyjava histaryčnych asob i padziej daŭno dapuskajecca ŭ rytualnych budynkach. U hetym vypadku płanujecca pakazać anieksiju Kryma i ludziej, jakija brali ŭ hetym udzieł.
Staršynia mastackaha savieta pa budaŭnictvie chrama protaijerej Leanid Kalinin udakładniŭ, što rašeńnie ab vyjavie peŭnych asob prymaŭ jaho saviet, nijakich uzhadnieńniaŭ z hetymi ludźmi nie było.
«Mastacki saviet ličyć hetyja vyjavy absalutna darečnymi, što adlustroŭvajuć histaryčnuju praŭdu, adkul nielha mižvolna vyrvać staronki», — skazaŭ jon.
