22 krasavika pamierła Jadźviha Iosifaŭna Parchimovič sa Stoŭbcaŭ. Joj byŭ 71 hod. Žančyna chvareła ad kanca sakavika.
Padrabiaznaści raspaviała «Našaj Nivie» ŭnučka žančyny:
«30 sakavika vyklikali doktara na dom — była prastuda. Doktarka prapisała paracetamoł i žuravinavy mors, zahadała siadzieć doma.
Ale praz try dni my znoŭ vyklikali doktara — tady ŭžo babulu zabrali ŭ balnicu i adrazu pakłali ŭ reanimacyju. Praz 3 dni pieraviali na ŠVŁ. Zatym jana była ŭ štučnaj komie.
Rabili testy na karanavirus. Pieršy test byŭ admoŭny, druhi — stanoŭčy, jaho rabili niedzie 8—10 krasavika. Paśla hetaha sanstancyja pryjazdžała, apracoŭvała babulin dom. Svajakoŭ pravieryli, karanavirusa bolš ni ŭ kaho nie znajšli.
Pryčynaj śmierci napisali sardečnuju niedastatkovaść. Ale chavali my babulu ŭ zakrytaj trunie. Adkryvać trunu kateharyčna zabaranili».
