Ilustracyjnaje fota. Škoła ŭ vioscy Hlinnaje Dokšyckaha rajonu, dzie ŭ adnoj z supracoŭnic znajšli karanavirus.
Ad 20 krasavika tolki viaskovyja škoły Dokšyckaha rajonu adnavili pracu. U škołach haradoŭ Dokšycy i Biahoml vučni pierajšli na dystancyjnaje navučańnie, paviedamlaje Radyjo Svaboda.
Jak patłumačyli Svabodzie ŭ rajvykankamie, časova zakryć škoły pastanavili ŭ rajonnym štabie pa baraćbie z raspaŭsiudam karanavirusnaj infekcyi. Ciapier zaniatki prachodziać dystancyjna ŭ haradzkich škołach Dokšycaŭ i Biahomla. Vučni i nastaŭniki vykarystoŭvajuć elektronnyja žurnały i dziońniki.
Kali vučniam dazvolać pajści ŭ škołu, nieviadoma. Prynamsi hety tydzień navučańnie budzie dystancyjnaje.
U viaskovych škołach Dokšyckaha rajonu zaniatki adnavilisia paśla padoŭžanych vakacyj, jak i va ŭsioj Biełarusi. Ciapier škoły naviedvaje kala 40% vučniaŭ, paviedamili Svabodzie ŭ adździele adukacyi rajvykankamu.
«Spadziajomsia, ich budzie stanavicca bolej. Na druhi dzień na zaniatki pryjšło bolš vučniaŭ», — skazała načalnica adździełu adukacyi Aksana Huščyk.
Adnak baćki i nastaŭniki niekatorych viaskovych škoł paviedamili Svabodzie, što na zaniatki ŭ pieršyja dni pryjšło ŭsiaho pa niekalki čałaviek. A ŭ niekatorych klasach uvohule nie było nivodnaha vučnia.
Načalnica adździełu adukacyi paćvierdziła, što pieravod haradzkich škoł na dystancyjnaje navučańnie źviazany sa składanaj epidemijalahičnaj abstanoŭkaj.
