Kolkaść śmierciaŭ ad usich pryčyn u Anhlii i Uelsie za adzin tydzień u pačatku krasavika pavialičyłasia ŭdvaja ŭ paraŭnańni sa siaredniestatystyčnymi danymi za hety pieryjad, vynikaje z apublikavanych statystyčnych źviestak. Treć śmierciaŭ pryjšłasia na COVID-19, piša BBC.
Biuro nacyjanalnaj statystyki Vialikabrytanii z 4 pa 10 krasavika zafiksavała 18 500 śmierciaŭ, što na 8 tysiač pieravyšaje siaredni pakazčyk u hety pieryjad. Heta maksimalny pakazčyk za 20 hadoŭ.
Prykładna tracina śmiarotnych vypadkaŭ była źviazana z karanavirusam, ale vyrasła i kolkaść śmierciaŭ ź inšych pryčyn. Čym vyklikany hety rost, pakul što da kanca niezrazumieła, adno z mahčymych tłumačeńniaŭ — niežadańnie źviartacca ŭ balnicu ŭ razhar epidemii navat u vypadku vostraj nieabchodnaści. Z pačatku pandemii zvarotaŭ u adździaleńni nieadkładnaj dapamohi stała ŭdvaja mienš.
