Prezident ZŠA Donald Tramp u paniadziełak abviaściŭ pra vyłučeńnie kandydatury namieśnika pamočnika dziaržsakratara pa spravach Zachodniaj Jeŭropy i ES Džuli Fišer na pasadu ambasadara Złučanych Štataŭ u Biełarusi. Pra heta paviedamiła pres-słužba Biełaha doma.
«Siońnia prezident Donald Tramp abviaściŭ pra namier vyłučyć na klučavyja pasady ŭ svajoj administracyi nastupnych asob: Džuli Fišer, sa štatu Tenesi, [na pasadu] nadzvyčajnaha i paŭnamocnaha ambasadara ZŠA ŭ Biełarusi», — havorycca ŭ paviedamleńni.
Fišer, prafiesijny dypłamatyčny rabotnik, ciapier źjaŭlajecca namieśnikam pamočnika dziaržaŭnaha sakratara ZŠA pa Zachodniaj Jeŭropie i Jeŭrapiejskim sajuzie. Raniej jana pracavała namieśnikam pastajannaha pradstaŭnika misii ZŠA ŭ NATA i była pryznačanaja ŭ ambasady ZŠA va Ukrainie, Hruzii i Rasii.