U Viciebsku pamierła 41-hadovaja miedsiastra abłasnoj kliničnaj balnicy Nadzieja Famina. U jaje była pnieŭmanija z paćvierdžanym karanavirusam. Pra heta TUT.BY paviedamili kalehi pamierłaha miedrabotnika.
Nadzieja Famina pracavała miedsiastroj u adździaleńni mikrachirurhii voka abłasnoj kliničnaj balnicy.
— Nadziei Viktaraŭnie byŭ 41 hod. Zachvareła jana daŭno — jašče ŭ sakaviku. Paŭtara tydnia znachodziłasia na aparacie štučnaj vientylacyi lohkich. U BCHMD u jaje dva razy brali mazki na karanavirus. Vynik — stanoŭčy, — paviedamili kalehi miedsiastry.
Miedrabotnik pamierła 16 krasavika ŭ reanimacyi balnicy chutkaj miedycynskaj dapamohi (BCHMD).
— U jaje zastałasia siastra, jakaja pryjechała ŭ Viciebsk z Maskvy. Jak Nadzieju chavali, my nie viedajem. Svajačka nikoha z kalehaŭ na pachavańnie nie klikała, — padzialilisia rabotniki abłasnoj balnicy.