U vyniku stralaniny ŭ kanadskaj pravincyi Novaja Šatłandyja zahinuli prynamsi 16 čałaviek, u tym liku supracoŭnica palicyi, pieradaje Bi-bi-si. Padazravany zabity; paviedamlajecca, što jon pieraapranuŭsia ŭ palicejskuju formu i pierasoŭvaŭsia na aŭtamabili, jaki byŭ padobny na palicejski.
Ataka pačałasia ŭ nievialikim prybiarežnym miastečku Portapik u subotu, kali palicyja pačała atrymlivać paviedamleńni ab stralbie ŭ adnym z damoŭ.
«Kali na miesca prybyli supracoŭniki palicyi, jany vyjavili niekalki achviar u domie i kala jaho», — skazaŭ pradstaŭnik palicyi Novaj Šatłandyi Krys Lezier. Niekalki budynkaŭ u miastečku zaharelisia.
Palicyja sprabavała abiasškodzić napadnika na praciahu 12 hadzin. Miascovym žycharam rekamiendavali nie pakidać svaje damy.
Paviedamlajecca, što strałok pierasoŭvaŭsia pamiž niekalkimi nasielenymi punktami ŭ Novaj Šatłandyi, tamu dakładnaja kolkaść achviar napadu pakul nie ŭstanoŭlena.
Miascovaja palicyja paviedamiła ŭ «Tvitery», što ŭ napadzie padazrajecca 51-hadovy čałaviek pa imieni Hebryeł Uortman, mahčyma, jon pracavaŭ stamatołaham.